رباعيات طفل عراقي

رباعيات طفل عراقي
عاشت سنين البلد فى الذّل والحرمان
وكل يوم التّعـــب بيزيد كمان و كــما ن
عشان قيادتها فى ايد خـــاينه وغدّاره
وبيحـــكموها بشر مالهـومش اىّ أمان
00000000
من بدري نايم حسن وف ايـده كـــــرّاسته
و ف جيبه ناسى القلم بينام فى حراسته
عشان مايصحى يصلىّ ويقرا في القـرءان
ويشـــــيل طــموح الزمان ويروح مدرسـته
00000000
كان زيّه زيّ البشر فى الحــيّ والحاره
بعد مانام القــمر صحــــيوا بصـــــفـّاره
وبعـــد منها بثـــوانى سرب م الطيران
وكلّ صوت نعسان يصحى على الغاره
00000000
غادر سريره وجري والخـــــــوف ملى دمّـه
لكن فىايده القلــــــــم وكـــــــتابه بيضمّه
فى الضلمه يسمع صراخ والنور كان طافى
بيجري حــــافى ويبحــــــث عن أبـوه وامه
00000000
فى الشرفه وقفوا ولمحوا من بعيد جايّه
دورية اســـــــعاف بتنقز م الشـباب ميّه
ودانات بتـنزل بحـرق غشـــيم ومتعافى
حتى المــطافى مفيش من قلـّـة الميّة
00000000
دفاعات ضعيفة مابين أطفال بتلالى
والدنيا تشتى قنابل نازلة م العالى
وصراخ يشـقّ الظــلام وحريم بتنوح
والامن روح ويوم الحـشر أحلا لى
00000000
كان حلم عمرك يابطل تمسك سلاح ف التوّ
اوتبقى طيار تدافـــع ع البـلد فى الجـــــــوّ
لكن قــــــدر وانكــــــــتب تتـــبدّد الأحــلام
وعشان خلاصة الكــلام ماتفيدش كلمة لو
00000000
شعاع ملا حـــــيـّنا له برق وبيكــــــوى
ونجوم تقع م السّما فيها رعد وبتشوى
زلزال يوقـّع صــروح المجـــــد بنــــيناها
ودخـّان لكبد السّما ريحته بشر مشوى
00000000
ابكى ياست العـــــــواصم بدل دموعك دم
واحزن يادجله بمرار خــــللىّ الفرات يغتمّ
وعيشي منكسره وذليله العــــمر يابغداد
عشان خسرتي الوداد ولا حدّ بيكي اهتمّ
00000000
عــلــــشان نظامك وحـــــبّه للحديد والنار
ماكفاهمش تحـــــالف ما كفاهمش حصار
مالقوش منافع فى حنك السّبع من غيرك
بياخدوا خيرك قبال غزاكى واحتلال الدار
00000000
يرجع كلامى لحسن من قبل ماننــــسوه
وحلم عمره الطـويل فى حضن أمـّه وابوه
خسر خواله وعمامه فى حرب ضـدّ ايران
ونفسه يوم م الزمان يبقى عوض عن اخوه
00000000
ما راحش من فكره تابوت كان أمره بيهمّه
شافه ف طــــفولته ف علم بيشرّ من دمه
يومها قالوله شهيد الحـــــرب يبقى أخوك
وشاف مرار الزمن فى عـــيون أبوه وامــّه
00000000
نظــره ليمّ السّما بيتابـــــــع المـوضــوع
والفجر شقشق وأذّن بس مش مسموع
وكأن طــاقة جـــــــهنم فـــــتـّحت بابها
وقدرها سابها تحـطـّم كلّ شئ مرفوع
00000000
طيار أباتشى حدف دانه ونازله علـيه
وهـــــــوّ واقف وأهله كلـّهم حواليــه
بتخط أول تاريخ فى حـــياته وحدانى
الكلّ مات فى ثواني وهوّ أغمى عليه
00000000
بيت الحـــــبايب وقع والأهل مجـــــــموعه
وفى ظرف ثانيه مافيش أصوات مسموعة
ويفوق فى تانى انفجار يلقاه فى دمّه غرق
اتاري جـــــــسمه انحـرق وايديه مقطوعه
00000000
مين اللىّ يعلن علـــــيهم ربـّنا يسوقه
يشدّ طفل انزنق ويحـــــلـّه من طـوقه
بقى كلّ أمله تخفّ الغــــــاره وتهـدّى
وناس تعدّى تشيل السّقف من فوقـه
00000000
راحوا الحبايب فى غمضة عين ياخساره
والرّعــــــــــب مالى البلد غاره ورا غاره
ودى طبيعة الحياه ماتدومـــش للانسان
والدنيا زى الحـــــــــــيتان خاينه وغدّاره
00000000
نصيحتي لك يابطل خــــللىّ الأمل موجود
وخللىّ حبـّك لربك سيل م لوهـــش حدود
اصــــــبر بقلبك وبلسـانك تكــــــــون زاكـر
طول م انت شاكر يحــيطك بالكرم والجـود
00000000
قلبى معاك يابــطل خد عقـــــلى احلم بيه
وادى دراعــــاتى ســـواعد لكل شئ تبنيه
وانسى مرار الزمن ولا تبكى ع اللى حصل
روحى مــــــعاك يابطل خد عمرى اكبر بيه
00000000
وانا مصرى مسلم أخوك ودمّ عربي معــــــاك
قلبى يعد النـّفـــس ويعـــــيش بنـبضه هـناك
على السّرير اللىّ شـــايل جـزء فاض مــنـّك
وسعد عنـّك يشـــــــيل حــــمل الـزّمن ويّاك
00000000
اصحى ياشعب العروبه وفوق وشوف حالك
الغرب جاىّ بتـــــحالف وعيـنه علـى ما لك
وبدال مايفرط عــــقودك دولــة ورا دولـــــه
الجـــامعة أوله ووحــــــدة رأى أحــلى لك